საქართველოს პრეზიდენტი სალომე ზურაბიშვილი გერმანიის ფედერაციული რესპუბლიკის პრეზიდენტს, ფრანკ-ვალტერ შტაინმაიერს ტელეფონით ესაუბრა. ამის შესახებ ინფორმაციას საქართველოს პრეზიდენტის ადმინისტრაცია ავრცელებს.

ამასთან, როგორც გერმანის პრეზიდენტის პრესსპიკერი, კერსტინ გამელინი X-ის საკუთარ გვერდზე წერს, გერმანიის პრეზიდენტმა ფრანკ-ვალტერ შტაინმაიერმა ზურაბიშვილთან სატელეფონო საუბარში საქართველოს საპარლამენტო არჩევნების სამართლიანობის შესაფასებლად გამჭვირვალე და სრული შემოწმების მოწოდება გააჟღერა.

“პრეზიდენტი შტაინმაიერი ტელეფონით ესაუბრა საქართველოს პრეზიდენტს. მან შეშფოთება გამოხატა საქართველოში არსებულ ვითარებაზე და საპარლამენტო არჩევნების სამართლიანობის შესაფასებლად გამჭვირვალე შემოწმების მოწოდება გააჟღერა”, - წერს გამელინი.