ესპანეთის მეფესა და დედოფალს წყალდიდობის შედეგად დაზარალებულ ვალენსიაში ვიზიტის დროს მომიტინგეებმა ტალახი და სხვა საგნები დაუშინეს, - ინფორმაციას BBC-ი ავრცელებს.

„მკვლელი“, „სირცხვილი“ - მიმართეს შეძახილებით სამეფო წყვილს, როდესაც ისინი ერთ-ერთი ყველაზე მეტად დაზარალებული რეგიონის ქალაქ პაიპორტაში ჩავიდნენ.

სამეფო წყვილს ესპანეთის პრემიერ-მინისტრი, პედრო სანჩესი და ვალენსიის რეგიონალური მთავრობის მეთაური კარლოს მაზონიც ახლდნენ, თუმცა დაცვამ ისინი გაღიზიანებულ მოქალაქეებს გაარიდა.

BBC-ი წერს, რომ პრემიერ-მინისტრის ავტომობილს, რომელმაც ტერიტორია დატოვა, მომიტინგეებმა ქვები დაუშინეს.

საპროტესტო აქციის მონაწილეების განცხადებით, ხელისუფლებამ არანაირი გაფრთხილება არ გაითვალისწინა და წყალდიდობის მიმართ რეაგირებაც არასაკმარისია.

ბოლო მონაცემებით, წყალდიდობის შედეგად დაღუპულთა რიცხვი 217-მდე გაიზარდა, ბევრი კი დაკარგულად ითვლება. აქამდე დადასტურებული გარდაცვალების თითქმის ყველა შემთხვევა ვალენსიის რეგიონში დაფიქსირდა.