ვულოცავ მაია სანდუს მოლდოვას საპრეზიდენტო არჩევნებში გამარჯვებას. უკრაინა მხარს უჭერს მოლდოველი ხალხის ევროპულ არჩევანს და მზადაა, ერთად ვიმუშაოთ ჩვენი პარტნიორობის გასაძლიერებლად, - ამის შესახებ უკრაინის პრეზიდენტი, ვოლოდიმირ ზელენსკი სოციალურ პლატფორმა X-ზე წერს.

მისი თქმით, მოლდოველმა ხალხმა აირჩია გზა ეკონომიკური ზრდისა და სოციალური სტაბილურობისკენ.

„მოლდოველებმა მკაფიო არჩევანი გააკეთეს - მათ აირჩიეს გზა ეკონომიკური ზრდისა და სოციალური სტაბილურობისკენ. მხოლოდ ჭეშმარიტ უსაფრთხოებასა და მშვიდობიან, გაერთიანებულ ევროპას შეუძლია უზრუნველყოს თითოეული ადამიანისა და ყველა ოჯახის ნდობა, შეხვდეს ხვალინდელ დღეს იმედით და დარწმუნებით“, - წერს ზელენსკი.