საქართველოს გაზის ტრანსპორტირების კომპანია საგურამო-ქუთაისის მ/გ-ზე სარემონტო-სარეაბილიტაციო სამუშაოებს განახორციელებს.

ამის შესახებ ინფორმაციას კომპანია ავრცელებს.

მათი ცნობით, აღნიშნული სამუშაოების ფარგლებში, ხაშურის მუნიციპალიტეტის სოფლებს - ტკოცას, ჩორჩანასა და წაღვლის მოსახლეობას გაზის მიწოდება დროებით შეუწყდებათ.

„გაცნობებთ, რომ შპს საქართველოს გაზის ტრანსპორტირების კომპანია საგურამო-ქუთაისის მაგისტრალური გაზსადენის 108,0 კილომეტრზე სარემონტო-სარეაბილიტაციო სამუშაოებს განახორციელებს. აღნიშნული ვითარების გათვალისწინებით, მ/წ 7 ნოემბერს 08:00-დან 18:00 საათამდე ბუნებრივი გაზის მიწოდება შეუწყდებათ ჩორჩანის გაზგამანაწილებელი სადგურის მომხმარებლებს. კერძოდ, აღნიშნულ პერიოდში ბუნებრივი გაზი არ მიეწოდება ხაშურის მუნიციპალიტეტის სოფლებს - ტკოცას, ჩორჩანასა და წაღვლის.

ბუნებრივი გაზის მიწოდება გამორთულ გაზგამანაწილებელ სადგურში სამუშაოების დასრულებისთანავე აღდგება, ხოლო მოსახლეობისთვის ბუნებრივი გაზის მიწოდებას შესაბამისი გაზგამანაწილებელი კომპანია ეტაპობრივად განახორციელებს“, - ნათქვამია კომპანიის განცხადებაში.