„ქართული ოცნების“ აღმასრულებელი მდივნის, მამუკა მდინარაძის განცხადებით, არჩევნებში დონალდ ტრამპის გამარჯვებით, უკრაინაში ომის დამთავრების პერსპექტივა და აშშ-სთან საქართველოს ურთიერთობების გადატვირთვის შანსი იზრდება.

როგორც მან ჟურნალისტებს აშშ-სთან სამომავლო ურთიერთობების გაგრძელების პერსპექტივის შესახებ დასმული კითხვის საპასუხოდ განუცხადა, მას გადატვირთვის პოლიტიკის პოზიტიური მოლოდინი აქვს.

„არათუ ტრამპის გამარჯვების შემთხვევაში, კამალა ჰარისის გამარჯვების შემთხვევაშიც კი, ომის დასრულების პირობებში და დროს, გადატვირთვის პოლიტიკის ჩვეულებრივი პოზიტიური მოლოდინი გვქონდა. ამ შემთხვევაში მით უმეტეს. ამ მოლოდინს მაძლევდა ომის დამთავრების პერსპექტივა. ამ შემთხვევაში, რადგან ომის დამთავრების პერსპექტივა, შანსი უფრო მეტია, იზრდება, შესაბამისად, ურთიერთობების გადატვირთვის შანსიც, ჩვენი აზრით, იზრდება. ეს ეხება ორივე მხარეს“, - განაცხადა მდინარაძემ.