ისრაელის პრემიერ-მინისტრმა, ბენიამინ ნეთანიაჰუმ დონალდ ტრამპს საპრეზიდენტო არჩევნებში გამარჯვება მიულოცა. ამის შესახებ განცხადებას თავად ნეთანიაჰუ და მისი ოფისი ავრცელებენ.

ისრაელის პრემიერ-მინისტრის ოფისის თანახმად, ნეთანიაჰუ ერთ-ერთი პირველთაგან იყო, ვინც ტრამპს დაურეკა.

განცხადების შესაბამისად, ტრამპსა და ნეთანიაჰუს შორის “თბილი და გულითადი საუბრის” განმავლობაში ორი ლიდერი “შეთანხმდნენ ისრაელის უსაფრთხოებისთვის ერთად მუშაობაზე” და “ირანული საფრთხე განიხილეს”.

მანამდე ნეთანიაჰუმ X-ის საკუთარ გვერდზე დაწერა, რომ ტრამპის გამარჯვება “ისტორიულია” და “ამერიკას ახალ დასაწყისს სთავაზობს”.