შალვა პაპუაშვილი - 2020-ში რამე სხვას აკეთებდნენ, სხვა დაპირებები და მუქარა ჰქონდათ და სხვა საბოტაჟი იყო? მათ მხარეს არაფერი იცვლება და საბოლოო შედეგიც არ შეიცვლება - დარწმუნებული ვარ, პარლამენტში შემოვლენ

ავანსად აქვთ სიები ჩახსნილი, არასერიოზული ხალხია - დარწმუნებული ვარ, პარლამენტში შემოვლენ, - ამის შესახებ პარლამენტის თავმჯდომარე, შალვა პაპუაშვილმა ჟურნალისტებს განუცხადა.

მისი თქმით, ოპოზიციონერები 2020-ში იმავენაირად მოქმედებდნენ, არაფერს ცვლიან და საბოლოო შედეგიც არ შეიცვლება.

„ორი კვირაა სიებთან დაკავშირებით წვალობენ. როგორც მივხვდი, საბოლოოდ, მათი პოზიციაა, რომ ავანსად ხსნიან სიებს. ავანსად აქვთ ეს სიები ჩახსნილი. არასერიოზული ხალხია. 2020-ში რამე სხვას აკეთებდნენ, სხვა დაპირებები და მუქარა ჰქონდათ და სხვა საბოტაჟი იყო? ზუსტად იგივე ხალხი, მეთოდებია. მათ მხარეს არაფერი იცვლება, აქედან გამომდინარე საბოლოო შედეგიც არ შეიცვლება და დარწმუნებული ვარ, პარლამენტში შემოვლენ“, - განაცხადა პაპუაშვილმა.

პაპუაშვილის განცხადებით, ოპოზიციის მხრიდან პარლამენტისთვის ლეგიტიმაციის მიცემა ცარიელი სიტყვებია, რადგან პარლამენტს ლეგიტიმაციას ხალხი აძლევს.

„ოპოზიციის მხრიდან პარლამენტისთვის ლეგიტიმაციის მიცემას რაც შეეხება, ეს ცარიელი სიტყვებია, ვინაიდან პარლამენტს ლეგიტიმაციას ხალხი აძლევს და პარლამენტს ხალხმა 26 ოქტომბერს ეს ლეგიტიმაცია მისცა. მათ შორის, მკაფიოდ გამოხატა თავისი დამოკიდებულება, ვინ უნდა იყოს პარლამენტში უმრავლესობაში - დამაჯერებელი, 54%-ით და მილიონ 120 ათასი ხმით „ქართულმა ოცნებამ“ გაიმარჯვა. ჩვენს უკან დგას ხალხი და ხალხის სახელით მე-11 მოწვევის პარლამენტი მალე შეიკრიბება და შემდეგი 4 წელი იქნება ჩვენი ქვეყნის უმაღლესი წარმომადგენლობითი ორგანო“, - განაცხადა შალვა პაპუაშვილმა.

ამასთან, პაპუაშვილი კიდევ ერთხელ განმარტავს, როდის და როგორ შეიკრიბება მე-11 მოწვევის პარლამენტი.

„რაც შეეხება შეკრებას, იცით, რომ ეს დამოკიდებულია იმაზე, როდის იქნება ცესკო-ს მხრიდან შემაჯამებელი ოქმი. შემდეგ, პრეზიდენტს აქვს შესაძლებლობა, დანიშნოს სხდომა, თუ არადა პარლამენტი შეიკრიბება მე-10 დღეს“,- განაცხადა შალვა პაპუაშვილმა.

ლევან ლორთქიფანიძე - დამოუკიდებლობის დღეს ვხვდებით შფოთით, ბრაზით, არასტაბილურობის შეგრძნებით და ბუნდოვანი მომავლით
ქართული პრესის მიმოხილვა 22.05.2025
სტეპან  გრიგორიანი - ლავროვის გზავნილი სომეხი ხალხისთვის ასეთი იყო - რუსეთი უკრაინაში ბოლომდე იბრძოლებს, თქვენ კი გაფრთხილებთ - თუ  გააგრძელებთ ევროკავშირთან ინტეგრაციას, კარგ დღეში თქვენც არ იქნებით
„ბრიტანულ ქართული აკადემიის“ დამფუძნებლები „საქართველოს კაპიტალის“ ლონდონის საფონდო ბირჟიდან გარიცხვას ითხოვენ
შპს „წინანდლის ვენახები“ განცხადებას ავრცელებს
მორიგი მნიშვნელოვანი პარტნიორობა უძრავი ქონების ბაზარზე
ისარგებლე „სილქნეტის“ 90-დღიანი პაკეტებით მთელი ზაფხული
გადაიხადეთ SOLO MASTERCARD World Elite ბარათით Dressup.ge-ზე და მიიღეთ 40%-იანი „ქეშბექი“
„ფავორიტი სტილის“ ახალი შენობა და ტექნოლოგიური განახლება - კომპანია ახალ ეტაპზე გადადის