[ოპოზიციაში] თავადვე ამბობენ, რომ ვიღაცები უნდა ჩამოვიდნენ, საბჭოთა კავშირში რევიზორები მოსკოვიდან რომ ჩამოდიოდნენ, ახლა ბრიუსელიდან უნდა ჩამოვიდნენ, გამოძიებები უნდა ჩაგვიტარონ და კონტროლი უნდა გაუწიონ ქართველ ხალხს,- ამის შესახებ საქართველოს პარლამენტის თავმჯდომარემ, შალვა პაპუაშვილმა საერთაშორისო გამოძიებაზე საუბრისას განაცხადა, რითაც ის ფაქტი შეაფასა, რომ ოპოზიცია საერთაშორისო გამოძიებას ითხოვს.

როგორც პაპუაშვილმა აღნიშნა, ოპოზიციის მიზანი იყო საქართველოსგან ვასალური სახელმწიფო შეექმნათ, რომელიც გარედან იმართება.

„ახლა თავადვე ამბობენ, რომ გარედან ვიღაცები უნდა ჩამოვიდნენ, რევიზორები, საბჭოთა კავშირში მოსკოვიდან რომ ჩამოდიოდნენ, ახლა ბრიუსელიდან უნდა ჩამოვიდნენ რევიზორები გამოძიებები უნდა ჩაგვიტარონ და კონტროლი უნდა გაუწიონ ქართველ ხალხს. ჩანს რა არის მათი პოლიტიკური პლატფორმა. პლატფორმა არის არა დამოუკიდებელი სახელმწიფო, არამედ სახელმწიფო, რომელიც სხვებს არის აყოლილი და სხვების კარნახით მოქმედებს. ხომ ვნახეთ, როგორც იყვნენ მილეულები? აქციაზე ჩამოვიდნენ, აქციაზე დაუდგა უცხოური შვიდეული, პირდაპირ მოუწოდეს „მაიდანიო“, ვნახეთ მეორე დღეს დაიწყეს ხელახლა შემოატრიალეს სიების ჩახსნის საკითხი და ასე შემდეგ. დღისით და მზისით ვხედავთ როგორ იმართებიან გარედან. როგორ შეიძლება დამოუკიდებელი ქვეყნის მოქალაქემ ხმა მისცე იმას, როდესაც ადამიანი თავისი საქმით და სიტყვით ერთ რაიმეს გაჩვენებს, ხელისუფლება იმისთვის უნდა რომ სხვას გადასცეს, გარედან იმართოს ჩვენი ქვეყანა“, - აღნიშნა პაპუაშვილმა.