უკრაინის სუმის ოლქის შოსტკინსკის რაიონის ქალაქ გლუხოვში რუსული დრონით თავდასხმის შედეგად საცხოვრებელი კორპუსი დაზიანდა, არიან დაღუპულები და დაშავებულები, - ინფორმაციას უკრაინული მედია ავრცელებს.

მათივე ინფორმაციით, ქალაქის მცხოვრებლებმა აფეთქებების ხმა გაიგეს და მოგვიანებით გაირკვა, რომ ერთ-ერთ საცხოვრებელ კორპუსს Shahed-ის ტიპის დრონით დაარტყეს. მსხვერპლის რაოდენობა ამ დრომდე დგინდება.

მიმდინარეობს ნანგრევების გაწმენდა. უკრაინული მედიის ინფორმაციით, ნანგრევების ქვეშ, შესაძლოა, ადამიანები იმყოფებოდნენ.