ბრაზილიის პოლიციამ პრეზიდენტის მკვლელობისა და სახელმწიფო გადატრიალების მცდელობის ბრალდებით ხუთი პირი დააკავა, - ამის შესახებ ინფორმაციას სააგენტო Reuters-ი ავრცელებს.

„გამოვლენილია დეტალური გეგმა სახელწოდებით „მწვანე და ყვითელი ხანჯალი“, რომელიც უნდა შესრულებულიყო 2022 წლის 15 დეკემბერს“, - აცხადებს ბრაზილიის პოლიცია.

პოლიციის ცნობით, ოპერაციის სამიზნეები 2022 წლის ბრაზილიის საპრეზიდენტო არჩევნების შედეგად ახლად არჩეული პრეზიდენტი, ლუის ინასიო ლულა და სილვა და ვიცე-პრეზიდენტი, ჯერალდო ალკმინი იყვნენ.

გავრცელებული ინფორმაციით, დაკავებულთა უმეტესობა სამხედრო მოსამსახურეა, რომელთაც სპეციალური სამხედრო მომზადება აქვთ გავლილი.