ვფიქრობდი, ილუზია იყო იმის ვარაუდი, რომ უკრაინასა და საქართველოს MAP-ის სტატუსი (ნატო-ს წევრობის კანდიდატის სტატუსი) მათ პუტინის აგრესიისგან დაიცავდა და რომ ეს სტატუსი ისეთი შემაკავებელი იქნებოდა, რომ პუტინი მოქმედების გარეშე მიიღებდა მოვლენებს, - ამის შესახებ გერმანიის ყოფილი კანცლერი, ანგელა მერკელი საკუთარ მემუარებში წერს, რომელსაც ZEIT ONLINE-ი აქვეყნებს.

„მესმოდა ცენტრალური და აღმოსავლეთ ევროპის ქვეყნების სურვილი, რომ რაც შეიძლება სწრაფად გამხდარიყვნენ ნატო-ს წევრები, მაგრამ ახალი წევრის მიღებამ მეტი უსაფრთხოება უნდა მოუტანოს არა მხოლოდ მას, არამედ ნატო-საც“, - წერს მერკელი.

მისი თქმით, დაინახა რისკები უკრაინის ყირიმის ნახევარკუნძულზე რუსეთის შავი ზღვის ფლოტის კონტრაქტით დაცულ ყოფნასთან დაკავშირებით და რომ იმ დროს უკრაინის მოსახლეობის მხოლოდ უმცირესობა უჭერდა მხარს ქვეყნის ნატო-ში გაწევრიანებას.

„ვფიქრობდი, რომ ილუზიაა იმის ვარაუდი, უკრაინისა და საქართველოს MAP-ის სტატუსი (წევრობის კანდიდატის სტატუსი) დაიცავდა მათ პუტინის აგრესიისგან, რომ ეს სტატუსი ისეთი შემაკავებელი იქნებოდა, რომ პუტინი მიიღებდა მოვლენებს მოქმედების გარეშე. იმ დროს წარმოუდგენელი იყო, რომ ნატო-ს წევრი ქვეყნები სამხედრო რეაგირებას მოახდენდნენ - როგორც მატერიალურად, ისე ჯარით და ჩარეულიყვნენ? საფიქრებელი იყო, რომ მე, როგორც კანცლერი, ვთხოვდი გერმანიის ბუნდესტაგს ასეთი მანდატი ჩვენი ბუნდესვერისთვის და ამისთვის მიმეღო უმრავლესობა?“ - წერს მერკელი.

მისი თქმით, საბოლოოდ, კომპრომისი მიღწეულ იქნა, მაგრამ მას ფასი ჰქონდა.

„ის, რომ საქართველომ და უკრაინამ არ მიიღეს MAP-ის სტატუსის დაპირება, მათთვის იყო „არა“ მათ იმედებზე. ის ფაქტი, რომ ნატო-მ ამავე დროს მათ შესთავაზა გაწევრიანების ზოგადი დაპირება, იყო „დიახ“ პუტინისთვის - ორივე ქვეყნის ნატო-ში გაწევრიანებაზე, ომის გამოცხადება“, - წერს მერკელი.