ბეირუთში, ისრაელის საჰაერო იერიშის შედეგად, სულ მცირე, 4 ადამიანი დაიღუპა და 23 დაშავდა, - ამის შესახებ ინფორმაციას სააგენტო Reuters-ი უსაფრთხოების წყაროებზე დაყრდნობით ავრცელებს.

ადგილობრივი მედიის ცნობით, ისრაელმა ბეირუთში, ბასტას რაიონში მდებარე რვა სართულიან შენობას დაარტყა.

სააგენტო Reuters-ის ინფორმაციით, ისრაელის თავდაცვის ძალებმა იერიშის დროს, სულ მცირე, 4 ბომბი ჩამოაგდეს.