ლიბანში ცეცხლის შეწყვეტის შესახებ შეთანხმების განსახილველად ისრაელის უშიშროების კაბინეტი ხვალ შეიკრიბება. ამის შესახებ ინფორმაციას სააგენტო Reuters-ი ისრაელელ ოფიციალურ პირებზე დაყრდნობით ავრცელებს.

Reuters-ის ცნობით, ისრაელის უშიშროების კაბინეტის მიერ ცეცხლის შეწყვეტის შესახებ შეთანხმების დამტკიცების შემდეგ, შესაძლოა, შეთანხმება ძალაში რამდენიმე დღეში შევიდეს.

ამასთან, ისრაელის საგარეო საქმეთა მინისტრის, გიდეონ საარის განცხადებით, ცეცხლის შეწყვეტის შესახებ შეთანხმების ნებისმიერი სახით დარღვევას ისრაელის მიერ დაუყოვნებლივ მოქმედება მოჰყვება.