დიდი ბრიტანეთი უკრაინაში ჯარისკაცებს არ გაგზავნის, - ამის შესახებ დიდი ბრიტანეთის საგარეო საქმეთა მინისტრმა, დევიდ ლემიმ იტალიაში, „დიდი შვიდეულის“ საგარეო საქმეთა მინისტრების შეხვედრაზე ჟურნალისტებს განუცხადა.

„უკრაინაში დიდი ბრიტანეთის ჯარებს არ ვგზავნით, მაგრამ ჩვენ უკრაინის მხარდაჭერას წვრთნებითა და სამხედრო დახმარებით ვაგრძელებთ და ჩვენ აბსოლუტურად მკაფიოდ განვაცხადეთ, რომ ამას იქამდე გავაგრძელებთ, სანამ ეს აუცილებელი და საჭირო იქნება“, - განაცხადა დევიდ ლემიმ.

მისივე თქმით, „ეს ნამდვილად დიდი ბრიტანეთის პოზიციაა და ამ დროისთვის ასე რჩება“.

ცნობისთვის, მანამდე, ფრანგულმა გამოცემა Le Monde-მა ინფორმაცია გაავრცელა, რომ დიდი ბრიტანეთი და საფრანგეთი უკრაინაში ჯარისკაცების ან კერძო სამხედრო კონტრაქტორების განთავსებას განიხილავდნენ.