უკრაინელებმა რუსების მიერ გაშვებული 36 დრონი ჩამოაგდეს, - ამის შესახებ ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.

უკრაინის საჰაერო ძალების ცნობით, სულ, რუსულმა ძალებმა უკრაინის მიმართულებით 89 დრონი გაუშვეს.

უკრაინის თავდაცვის ძალებმა 36 რუსული დრონი ჩამოაგდეს, 48 უკრაინის ტერიტორიაზე გაუჩინარდა, ხოლო 5 რუსეთის მიმართულებით გაფრინდა.

უკრაინის საჰაერო თავდაცვის ძალებმა რუსული დრონები კიევის, ჩერნიგოვის, სუმის, ხარკოვის, პოლტავის, ჟიტომირის, ხმელნიცკისა და ნიკოლაევის ოლქებში ჩამოაგდეს.