კუბის პრეზიდენტი - აშშ-ის საპრეზიდენტო არჩევნების შედეგები ჩვენთვის ახალს არაფერს წარმოადგენს

აშშ-ის საპრეზიდენტო არჩევნების შედეგები ჩვენთვის ახალს არაფერს წარმოადგენს, - ამის შესახებ კუბის პრეზიდენტმა, მიგელ დიას-კანელმა განაცხადა.

„ქვეყანა მზად არის. ჩვენ შიშის გარეშე გავაგრძელებთ, გვჯერა, რომ ჩვენი ძალისხმევითა და საკუთარი ნიჭით, წინსვლა შეგვიძლია“, - განაცხადა მიგელ დიას-კანელმა.

მისივე თქმით, კუბა აშშ-სთან „თანაბარ პირობებში“ მოლაპარაკებებისთვის მზად არის.

„ჩვენ ყოველთვის ვაცხადებდით, რომ აშშ-ის ხალხის წინააღმდეგ არაფერი გვაქვს და თანაბარ პირობებში აშშ-ის მთავრობასთან დიალოგისთვის მზად ვართ. ვალდებულებების დაკისრების გარეშე, პატივისცემითა და სხვა არაფრით, რაც ჩვენს სუვერენიტეტსა და დამოუკიდებლობაზე გავლენას მოახდენს“, - აღნიშნა კუბის პრეზიდენტმა.