ბათუმში საპროტესტო აქციის მონაწილეები აჭარის მთავრობის სახლთან მივიდნენ შეძახილებით “მონებო”.

მთავრობის სახლთან შეკრებილი მოქალაქეები ასევე სკანდირებენ - "არჩევნები", "არჩევნები".

“ელჩები ქართული ოცნების” კურსს ემიჯნება, მათ შორის ძალოვნები. მოვითხოვთ ხელახალი საპარლამენტო არჩევნების დანიშვნას, ასევე დროებითი მთავრობაა საჭირო. აქ რაიმე ძალადობას არ ვგეგმავთ, მხოლოდ ერთი გზავნილია, საქართველოს არჩევანი ევროპაა”, - აცხადებენ აქციის მონაწილეები.

მოქალაქეები აცხადებენ, რომ აჭარის მთავრობის სახლთან მშვიდობიან აქციას მართავენ და არ აპირებენ საქართველოს ევროპული მომავლის დათმობას.

აჭარის მთავრობის სახლის და საკონსტიტუციო სასამართლოს მთავარ შესასვლელთან სპეცრაზმის თანამშრომლები არიან მობილიზებული.