ბათუმში, საპროტესტო აქციის მონაწილეები მსვლელობით აჭარის უმაღლესი საბჭოს შენობასთან მივიდნენ.

როგორც შეკრებილები აცხადებენ, რეგიონის საკანონმდებლო ორგანოში 13 ე.წ დეპუტატი არალეგიტიმურია. მათივე თქმით, “ქართული ოცნება” არაკონსტიტუციურია.

“ეს არის ხალხის ხმა, ბათუმელების ხმა, რომელიც ივანიშვილის რეჟიმმა მოისმინოს. 13 ე.წ დეპუტატი არალეგიტიმურ უმაღლეს საბჭოში შეიკრიბა. ისინი უნამუსოდ გვეუბნებიან, რომ მათი ხელისუფლება კანონიერია, დიახ, ხალხის უმრავლესობას მიაჩნია, რომ ხელისუფლება არის არაკონსტიტუციურია. არ შეგეშინდეს არცერთი სიტყვის, სიტყვა “რევოლუციის”. ეს არის მშვიდობიანი აქცია, ჩვენი მიზანია, არალეგიტიმური უმაღლესი საბჭოს სახლში გაშვება. ამ უმაღლეს საბჭოს პოლიტიკური მოღვაწეობა უნდა აეკრძალოთ. ნუ ჩავყვებით ივანიშვილს სამარეში”,- აცხადებენ აქციის მონაწილეები.

საპროტესტო აქციაზე პერიოდულად ისმის: “წადი”. აჭარის უმაღლესი საბჭოს მთავარ შესასვლელთან სამართალდამცავები არიან მობილიზებული.

ამასთან, აჭარის უმაღლეს საბჭოსთან სტუდენტებმა და სამოქალაქო აქტივისტებმა, საკანონმდებლო ორგანოს შენობის ირგვილივ, ერთმანეთს ხელი ჩაჰკიდეს და სიმბოლურად ცოცხალი ჯაჭვი შეკრეს.

“მეგობრებო ასე ხელჩაკიდებული დავიბრუნებთ აფხაზეთს და იმ დაკარგულ ტერიტორიებს, რომელიც გვტკივა”, - აცხადებენ აქციის მონაწილეები.