რუსთაველის გამზირზე, „ცისფერ გალერეასთან“ აქციის კიდევ სამი მონაწილე დააკავეს.

პარალელურად, სპეცრაზმის თანამშრომლებმა გზიდან ბარიკადები აიღეს, რომლებიც მომიტინგეებმა ცოტა ხნის წინ მოაწყვეს.

ისინი რუსთაველის გამზირზე იმ ტერიტორიის გასუფთავებას ცდილობენ, სადაც ცოტა ხნის წინ პროტესტის მონაწილეები იმყოფებოდნენ. მათ მომიტინგეების წინააღმდეგ ცრემლსადენი გაზიც გამოიყენეს. ამ დროისთვის, უშუალოდ რუსთაველის გამზირზე აქციის მონაწილეები აღარ იმყოფებიან და „ცისფერი გალერეიდან“ „თბილისი მარიოტამდე“ ტერიტორია სრულად სპეცრაზმელებს აქვთ დაკავებული. დემონსტრანტების ნაწილმა კი რუსთაველის გამზირის მიმდებარე ქუჩებზე გადაინაცვლა.