უკრაინის ქალაქ ტერნოპოლში რუსული დრონებით თავდასხმის შედეგად საცხოვრებელ კორპუსს ცეცხლი გაუჩნდა, - ინფორმაციას უკრაინული მედია ქალაქის მერზე, სერგეი ნადალზე დაყრდნობით ავრცელებს.

"მტერმა კვლავ დრონებით შეუტია ტერნოპოლს. ხანძარია საცხოვრებელ კორპუსში. ადგილზე შესაბამისი სამსახურები მუშაობენ. დეტალები მოგვიანებით გახდება ცნობილი. განგაში გრძელდება. დარჩით უსაფრთხო ადგილას მის გაუქმებამდე“, - განაცხადა ქალაქის მერმა.

მოგვიანებით მან თავდასხმის შესახებ ახალი დეტალები გაავრცელა და განაცხადა, რომ რუსულმა დრონმა მაღალსართულიანი შენობის ბოლო სართულს დაარტყა, არიან დაღუპულები და დაშავებულები.