ჭავჭავაძისა და მელიქიშვილის გამზირებზე საავტომობილო მოძრაობა სრულად აღდგენილია. ტერიტორია „თბილსერვის ჯგუფის“ თანამშრომლებმა დაასუფთავეს.

ამასთან, საავტომობილო მოძრაობა აღდგენილია რუსთაველის გამზირზეც.

ცნობისთვის, რუსთაველის გამზირიდან წამოსულ ახალგაზრდებს თსუ-ის პირველი კორპუსის მიმდებარედ, ვარაზის ხევისა და კეკელიძის ქუჩის კვეთაზე ტერიტორია ჰქონდათ დაკავებული.

მათ თსუ-ის პირველ კორპუსთან გზა ჰქონდათ გადაკეტილი, მოწყობილი ჰქონდათ ბარიკადები და დანთებული ჰქონდათ ცეცხლი.

მომიტინგეებმა ტერიტორია სპეცრაზმელებისა და სამართალდამცავების გამოჩენისთანავე დატოვეს.