რუსთაველის გამზირზე, საქართველოს პარლამენტთან მოქალაქეები კვლავ საპროტესტო აქციისთვის ემზადებიან.

აქციის მონაწილეებმა რუსთაველის გამზირი უკვე გადაკეტეს.

მათ ადგილზე საქართველოს, ევროკავშირისა და გერმანიის დროშები აქვთ მოტანილი. ასევე სხვადასხვა შინაარსის ბანერებიც, წარწერით- "სიყვარულით ვდგავართ... ვერ შეგვაშინებთ!"

საპროტესტო აქციის პარალელურად, ადგილზე შინაგან საქმეთა სამინისტროს თანამშრომლებიც არიან მობილიზებული, რომლებსაც 9 აპრილისა და ჭიჭინაძის ქუჩებზე კორდონი აქვთ გაკეთებული. ასევე განსაკუთრებულ დავალებათა დეპარტამენტის თანამშრომლები პარლამენტის შიდა ტერიტორიაზე ფარებით დგანან.

გარდა ამისა, შინაგან საქმეთა სამინისტროს თანამშრომლები მობილიზებულები არიან თავისუფლების მოედანზე, სადაც ასევე შინაგან საქმეთა სამინისტროს სპეცტექნიკაც დგას.