ლუქსემბურგი უკრაინის ჩრდილოატლანტიკურ ალიანსში გაწევრიანებას ეწინააღმდეგება, რადგან შიშობს, რომ ეს დაძაბულობას გამოიწვევს, - ინფორმაციას Spiegel-ი ავრცელებს.

გამოცემის ცნობით, შესაბამისი განცხადება ქვეყნის საგარეო საქმეთა მინისტრმა, ქსავიე ბეტელმა ბრიუსელში, ნატო-ს წევრი ქვეყნების საგარეო საქმეთა მინისტრების შეხვედრის დროს განაცხადა.

"მიმაჩნია, რომ [უკრაინის] გაწევრიანება ნატო-ში კვლავ გამოიწვევს დაძაბულობას. იმ ქვეყნის წევრობამ, რომელსაც თავს დაესხა რუსეთი, შეიძლება დაუყოვნებლივ გამოიწვიოს შემდგომი კონფლიქტები“, - აღნიშნა ბატელმა.

ამასთან, მისი თქმით, მხარს უჭერს უკრაინის ევროკავშირში გაწევრიანებას.