გურიის პოლიციის მთავარი სამმართველოს შენობასთან ქალების საპროტესტო აქცია გაიმართა.

აქციის მონაწილეებმა საპოლიციო ძალების მიერ მშვიდობიანი დემონსტრანტების ცემა, დევნა და უკანონო დაკავებები გააპროტესტეს.

მათი განცხადებით, ქვეყანაში მიმდინარე ძალადობრივი ქმედებები დასაგმობია და უნდა დაისაჯოს ყველა პასუხისმგებელი პირი.

„ვაპროტესტებთ საქართველოს მოპარულ მომავალს. ვაპროტესტებთ, ძალადობას - ასე სასტიკად რომ უსწორდებიან თბილისში მიმდინარე აქციაზე მყოფ ახალგაზრდებს. ყველა დედას ვუხდი მადლობას, რომლის შვილიც დგას აქციაზე და იცავს, იბრძვის ჩვენი შვილების ევროპული მომავლისთვის. ყველა უნდა გამოვიდეს და შემოგვიერთდნენ, თუ არ უნდათ ვიყოთ რუსეთის მონა. ჩვენ გვინდა, რომ საქართველო გახდეს ევროკავშირის წევრი ქვეყანა”, - განაცხადეს აქციის მონაწილეებმა.