უნდა გვახსოვდეს, რომ თუ ბიძინა ივანიშვილის რეჟიმი შენარჩუნდა ამ ქვეყანაში, მთლიანად ქვეყანა, მოქალაქეები დავკარგავთ არამარტო უვიზო მიმოსვლას, არამედ ყველა იმ სიკეთეებს, ყველა გამარტივებულ პროცედურას, რომელიც ჩვენმა ქვეყანამ მიმდინარე 30 წლის განმავლობაში მოიპოვა,- ამის შესახებ „ერთიანობა - ნაციონალური მოძრაობის“ ერთ-ერთმა ლიდერმა სერგო ჩიხლაძემ განაცხადა.

მისი შეფასებით, სავიზო შეზღუდვები, ბიძინა ივანიშვილის და სხვადასხვა უწყების მაღალჩინოსნებს დაუწესდება, როგორც ეს ბალტიისპირეთის სამმა ქვეყანამ გააკეთა.

„ამ ეტაპზე რა ტენდენციაც იკვეთება არის ის, რომ სავიზო შეზღუდვები, გადაადგილების შეზღუდვები დაუწესდება ბიძინა ივანიშვილის და მისი რეჟიმის მაღალჩინოსნებს, რაც ბალტიისპირეთის სამმა ქვეყანამ გააკეთა. ჩვენ ვნახავთ, უკვე ამას სხვა ქვეყნებისგან. ამავე დროს უნდა გვახსოვდეს, რომ თუ ბიძინა ივანიშვილის რეჟიმი შენარჩუნდა ამ ქვეყანაში, მთლიანად ქვეყანა, მოქალაქეები დავკარგავთ არამარტო უვიზო მიმოსვლას, არამედ ყველა იმ სიკეთეებს, ყველა გამარტივებულ პროცედურას, რომელიც ჩვენმა ქვეყანამ მიმდინარე 30 წლის განმავლობაში მოიპოვა. ამიტომ მთავარი ამოცანაა, უახლოეს კვირებსა და თვეებში ივანიშვილის რეჟიმის დასრულება, თავისუფალი არჩევნების ჩატარება და პირიქით, ჩვენ საზოგადოებამ, სახელმწიფომ უნდა ჩავჭრათ ყველანაირი კავშირი ტოტალიტარიზმთან, ივანიშვილის რეჟიმთან და რუსეთთან და ჩვენი ინტეგრაცია ევროკავშირსა და ნატოში უნდა გავაგრძელოთ“,- განაცხადა სერგო ჩიხლაძემ.