The Guardian - ბრაზილიის პრეზიდენტს თავის ტვინზე გადაუდებელი ოპერაცია ჩაუტარდა, ის რეანიმაციულ განყოფილებაში იმყოფება
ბრაზილიის პრეზიდენტი ლუის ინასიო ლულა და სილვა თავის ტვინზე ჩატარებული ქირურგიული ოპერაციის შემდეგ რეანიმაციულ განყოფილებაში იმყოფება, - ინფორმაციას The Guardian-ი ავრცელებს.
გამოცემის ცნობით, ბრაზილიის პრეზიდენტს გადაუდებელი ქირურგიული ოპერაცია მას შემდეგ ჩაუტარდა, რაც ის საავადმყოფოში ორშაბათს ღამით თავის ტკივილით გადაიყვანეს და მაგნიტურ-რეზონანსული ტომოგრაფიის შედეგად თავის ტვინში სისხლჩაქცევა დაუდგინდა.
სან პაულოს საავადმყოფოს განცხადებაში აღნიშნულია, რომ ოპერაციამ გართულების გარეშე ჩაიარა.
მედიკოსები ქალასშიდა სისხლჩაქცევას ოქტომბერში მომხდარ ინციდენტს უკავშირებენ, როდესაც ბრაზილიის პრეზიდენტი ალვორადას სასახლეში, პრეზიდენტის რეზიდენციაში, შხაპის მიღებისას დაეცა.
