ოლაფ შოლცი პუტინთან სატელეფონო საუბარზე - ეს უნდა გაკეთებულიყო და მე ამას ისევ გავაკეთებ, მაგრამ ჩვენ ილუზიები არ უნდა გვქონდეს
გერმანიის კანცლერის, ოლაფ შოლცის განცხადებით, რუსეთის პრეზიდენტთან, ვლადიმერ პუტინთან მოლაპარაკებების გაგრძელებისთვის მზად არის.
ოლაფ შოლცმა აღნიშნა, რომ სატელეფონო საუბარი, რომელიც ვლადიმერ პუტინთან ნოემბრის თვეში შედგა, იმედგამაცრუებელი იყო.
„ეს იმედგამაცრუებელი იყო, რადგან ის უბრალოდ თავის ყველა ფრაზას იმეორებდა“, - აღნიშნა შოლცმა.
ამასთან, მისივე თქმით, სატელეფონო საუბარი აუცილებელი იყო, რათა პუტინს გაეგო, რომ მას უკრაინის მიმართ გერმანიის მხარდაჭერის შემცირების იმედი არ უნდა ჰქონდეს.
„ეს უნდა გაკეთებულიყო და მე ამას ისევ გავაკეთებ, მაგრამ ჩვენ ილუზიები არ უნდა გვქონდეს“, - განაცხადა გერმანიის კანცლერმა.
