საკუთარი მომავალი ქართველმა ხალხმა უნდა გადაწყვიტოს და საკმაოდ ნათელია, ქართველი ხალხი ხედავს, რომ მისი მომავალი ევროკავშირზე გადის, - ამის შესახებ ნიდერლანდელმა ევროპარლამენტარმა, რაინიე ვან ლანშოტმა საქართველოს პრეზიდენტთან, სალომე ზურაბიშვილთან შეხვედრის შემდეგ ჟურნალისტებს განუცხადა.

მისი თქმით, ევროპარლამენტარების ვიზიტის მიზანი არის ქართველო ხალხის მიმართ სოლიდარობის გამოხატვა.

„სწორედ ამიტომ ვართ ჩვენ აქ, რომ ვაჩვენოთ სოლიდარობა მათ მიმართ და მათი უნარის მიმართ თავად აირჩიონ, სად არის მათი მომავალი“, - აღნიშნა ევროპარლამენტარმა.