ხვალ ეწყობა ერთგვარი პოლიტიკური ცირკი, სადაც არალეგიტიმური პარლამენტი აირჩევს ე.წ. თვითმარქვია და არალეგიტიმურ პრეზიდენტს, - ამის შესახებ „ერთიანობა-ნაციონალური მოძრაობის“ ერთ-ერთმა ლიდერმა თინა ბოკუჩავამ განაცხადა.

მისი განმარტებით, ქვეყნის მთავარსარდალი სალომე ზურაბიშვილია, რომელიც ხალხის მიერაა არჩეული.

„ლეგიტიმური პრეზიდენტის ინსტიტუტი კვლავ დარჩება სალომე ზურაბიშვილთან, რომელიც პირდაპირი წესითაა არჩეული უმაღლესი მთავარსარდალია და ერთადერთი ლეგიტიმური სახელმწიფო ინსტიტუტი, რომელიც ივანიშვილის რუსული რეჟიმის მიერ მიტაცებული არ არის",- განაცხადა ბოკუჩავამ.

ის თბილისის საქალაქო სასამართლოში პარტიის სხვა წევრებთან ერთად ადმინისტრაციულ პასუხისგებაში მიცემულ დავით გედენიძის სასამართლო პროცესზე მივიდა.