პარლამენტის შენობასთან და მიმდებარე ქუჩებზე, ასევე თავისუფლების მოედანზე პოლიციის მობილიზებაა - დგას წყლის ჭავლის რამდენიმე მანქანაც
პარლამენტის შენობის მიმდებარე ტერიტორიაზე საპოლიციო ძალის მობილიზებაა.
საპატრულო და კრიმინალური პოლიციის თანამშრომლები განლაგებულები არიან 9 აპრილისა და ჭიჭინაძის ქუჩებზე.
ასევე პარლამენტის წინა ტერიტორიაზეც, სადაც საახალწლო ნაძვის ხე და სცენაა დამონტაჟებული.
პარალელურად, საპოლიციო ძალის მობილიზებაა თავისუფლების მოედანზეც, სადაც წყლის ჭავლის მანქანებიც განლაგდნენ.
ასევე, საპოლიციო ძალამ პარლამენტის მთლიანი წინა ტერიტორია რკინის ჯებირებში მოაქცია.
