უკრაინელებმა რუსების მიერ გაშვებული 58 დრონი ჩამოაგდეს, - ამის შესახებ ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.

უკრაინის საჰაერო ძალების ცნობით, სულ, რუსულმა ძალებმა უკრაინის მიმართულებით 132 დრონი გაუშვეს, რომელთაგან თავდაცვის ძალებმა 58 ჩამოაგდეს, ხოლო 72 უკრაინის ტერიტორიაზე გაუჩინარდა.

ამასთან, ორი დრონი უკან, რუსეთის მიმართულებით გაფრინდა.

უკრაინის თავდაცვის ძალებმა რუსული დრონები ჩერნიგოვის, სუმის, კიევის, პოლტავის, ჩერკასის, ვინიცის, ოდესის, ნიკოლაევის, ხარკოვის, დნეპროპეტროვსკისა და კიროვოგრადის ოლქებში ჩამოაგდეს.