ოპოზიციური პარტიების წარმომადგენლები და საგარეო და უსაფრთხოების პოლიტიკის ექსპერტები შეხვედრას მართავენ
ოპოზიციური პოლიტიკური პარტიების წარმომადგენლები და საგარეო და უსაფრთხოების პოლიტიკის ექსპერტები მრგვალი მაგიდის ფორმატში შეხვედრას მართავენ.
როგორც პარტია „გახარია საქართველოსთვის“ წევრმა, თეონა აქუბარდიამ შეხვედრის დაწყებამდე ჟურნალისტებთან საუბრისას აღნიშნა, შეხვედრაზე განიხილავენ იმ გამოწვევებს, რომელიც „ბიძინა ივანიშვილმა შექმნა”.
„იმ ფონზე, როდესაც ივანიშვილის ავტორიტარულმა ძალამ ქვეყანაში საფრთხეები შექმნა, როგორც საგარეო, ასევე საშინაო პოლიტიკის კუთხით და მაშინ, როდესაც მიმდინარეობს განხილვა, არა მხოლოდ უკვე დასანქცირებული პირების, არამედ ევროკავშირი ამას აგრძელებს იმისთვის, რომ დიპლომატიური პასპორტების შეზღუდვა რეჟიმის მონაწილეებისთვის და შემოქმედებისთვის [მოხდეს], ისევე როგორც, სანქციების საკითხს განიხილავენ, რა თქმა უნდა, ეს არის მნიშვნელოვანი საკითხი. ჩვენ განვიხილავთ საგარეო და უსაფრთხოების პოლიტიკის ექსპერტებთან იმ გამოწვევებს, რომელიც ივანიშვილმა საქართველოს გაცხადებული ინტერესებისთვის შექმნა. ეს განხილვა მოემსახურება იმას, რომ საქართველოს გაცხადებული ინტერესები დავიცვათ ერთად, არა მხოლოდ პოლიტიკურმა ძალებმა, არამედ საზოგადოებამ, რათა საქართველო ევროპულ გზაზე დავაბრუნოთ”, - განაცხადა აქუბარდიამ.
