პრემიერ-მინისტრის, ირაკლი კობახიძის განცხადებით, აშშ-ის სახელმწიფო დეპარტამენტის მიერ გამოქვეყნებული ტერორიზმის შესახებ ანგარიში ობიექტურია და ზუსტად ასახავს იმ წარმატებულ საქმიანობას, რომელსაც საქართველოში სახელმწიფო უსაფრთხოების სამსახური ახორციელებს.

როგორც მთავრობის მეთაურმა აღნიშნა, სახელმწიფო დეპარტამენტის ანგარიში ძალიან მნიშვნელოვანი და ობიექტურია.

“ეს შეფასება ძალიან მნიშვნელოვანია და ამასთან ერთად არის ობიექტური, რაც ზუსტად ასახავს იმ წარმატებულ საქმიანობას, რომელსაც საქართველოში სახელმწიფო უსაფრთხოების სამსახური ახორციელებს. ქვეყნებს შორის არის ძალიან მჭიდრო თანამშრომლობა. ვისარგებლებ შემთხვევით - მინდა, გრიგოლ ლილუაშვილს წარმატებული ხელმძღვანელობისთვის მადლობა გადავუხადო“, - განაცხადა ირაკლი კობახიძემ.