გორში „ერთიანობა - ნაციონალური მოძრაობის“ ოფისზე თავდასხმა მოხდა. ამის შესახებ ინფორმაციას პარტიის პრესსამსახური ავრცელებს.

მათივე ცნობით, ჩამსხვრეულია ოფისის ფანჯრები.

ამასთან, როგორც „ინტერპრესნიუსს“ „ერთიანობა - ნაციონალური მოძრაობის“ წარმომადგენელმა ანი ბალიაშვილმა განუცხადა, პოლიციამ ოფისის ვიდეო-კამერების ჩანაწერები ამოიღო.

„გასულ ღამეს, 22:33 საათზე“ერთიანობა ნაციონალური მოძრაობის“ გორის ოფისში ნიღბიანმა პირმა გაურკვეველი ასაფეთქებელი საშუალება შემოაგდო. დაზიანდა ფანჯარა. ოფისის ვიდეო-კამერაში ჩანს ეს პირი. ასევე თვითონ, რასაც აკეთებდა ტელეფონით იღებდა. პოლიცია ადგილზე იმყოფებოდა და ჩანაწერები ამოიღეს“, -განაცხადა ანი ბალიაშვილმა.

მომხდართან დაკავშირებით შინაგან საქმეთა სამინისტრომ გამოძიება 187-ე მუხლით დაიწყო, რაც სხვისი ნივთის განადგურებას ან დაზიანებას გულისხმობს.