რისკები, ბუნებრივია რჩება, შეძლებს თუ არა დონალდ ტრამპი „დიფ სტეიტის“ და არაფორმალური გავლენების დამარცხებას, ეს გამოჩნდება უკვე 20 იანვრის შემდეგ, - ამის შესახებ საქართველოს პრემიერ-მინისტრმა, ირაკლი კობახიძემ განაცხადა.

მისი თქმით, ყველაზე ნათლად საქართველოს მაგალითზე გამოჩნდება, აშშ-ის ახალი ადმინისტრაცია რამდენად შეძლებს „დიფ სტეიტის“ და არაფორმალური გავლენების დამარცხებას, რაც, თავის მხრივ, მსოფლიოში მშვიდობის დასადგურებას შეუწყობს ხელს.

„დაველოდოთ მოვლენების განვითარებას. ჩვენ გვაქვს იმედი, რომ შეძლებს დამარცხებას, თუმცა, ვიმეორებ, ეს არ იქნება მარტივი. ჩვენს მაგალითზე, ყველაზე კარგად გამოჩნდება ის, თუ რამდენად დამარცხდება „დიფ სტეიტი“ და არაფორმალური გავლენები აშშ-ში. „გლობალური ომის პარტია“ უნდა დამარცხდეს - ეს არის მნიშვნელოვანი არა მარტო აშშ-სთვითს, არა მარტო საქართველოსთვის, არამედ, მთელი მსოფლიოსთვის. თქვენ ნახეთ, რა უქნეს მსოფლიოს წინა 4 წლის განმავლობაში და რა მოუტანა „დიფ სტეიტმა“ მსოფლიოს წინა ოთხი წლის განმავლობაში - მთელი მსოფლიო არის არეული: რა ხდება უკრაინაში, ახლო აღმოსავლეთში, მათ შორის, სირიაში. მთელი მსოფლიო არიეს. ჩვენ იმედი გვაქვს, რომ დამარცხდება „დიფ სტეიტი“ და „დიფ სტეიტთან“ ერთად დამარცხდება ომი მსოფლიოში. ჩვენ იმედი გვაქვს, რომ „დიფ სტეიტის“ დამარცხებით, მშვიდობა დაისადგურებს შემდეგი 4 წლის განმავლობაში მსოფლიოში“, - განაცხადა ირაკლი კობახიძემ.