რუსთაველის გამზირზე საპროტესტო აქცია დღეისთვის დასრულებულია

რუსთაველის გამზირზე პროტესტის 28- ე დღე დასრულდა. ამ დროისთვის გამზირზე მომიტინგეების მცირე ნაწილი რჩება.

წინა დღეების მსგავსად, დღესაც დღის განმავლობაში დედაქალაქში რამდენიმე მარში გაიმართა. მარშის მონაწილეები სხვადასხვა ლოკაციიდან დაიძრნენ და რუსთაველის გამზირზე შეიკრიბნენ.

პროტესტის მონაწილეების მოთხოვნაა, აქციების პერიოდში დაკავებული მოქალაქეების გათავისუფლება და ახალი არჩევნების დანიშვნა.

ცნობისთვის, მასშტაბური აქციები "ქართული ოცნების“ 28 ნოემბრის გადაწყვეტილებამ გამოიწვია, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს.