„აზერბაიჯანის ავიახაზების“ თვითმფრინავის ჩამოვარდნის მიზეზი ჯერჯერობით უცნობია, - ამის შესახებ ყაზახეთის სენატის თავმჯდომარემ, მაულენ აშიმბაევმა განაცხადა.

„არც ერთი ქვეყანა, არც აზერბაიჯანი, არც რუსეთი და არც ყაზახეთი, ინფორმაციის დამალვით დაინტერესებული არ არის. საზოგადოებისთვის ყველა ინფორმაცია ხელმისაწვდომი გახდება“, - განაცხადა მაულენ აშიმბაევმა.

შეგახსენებთ, „აზერბაიჯანის ავიახაზების“ თვითმფრინავი ყაზახეთის ქალაქ აქთაუში გუშინ ჩამოვარდა. ყაზახეთის ვიცე-პრემიერის ცნობით, კატასტროფის შედეგად 38 ადამიანი დაიღუპა, 29 კი გადარჩა.