თბილისში, დოლიძის ქუჩაზე სროლა იყო. მომხდარის შედეგად დაჭრილია ერთი პირი. არსებული ინფორმაციით, მამაკაცი სამედიცინო დაწესებულებაში იმყოფება. შემთხვევა დაახლოებით, 3-4 საათის წინ მოხდა.

მომხდართან დაკავშირებით თვითმხილველები დეტალებზე საუბრობენ. როგორც ისინი აღნიშნავენ, შემთხვევა დილით, დაახლოებით 11:00 საათზე მოხდა. ამასთან, მათთვის უცნობია, დაჭრილი მამაკაცი დოლიძის ქუჩაზე ცხოვრობდა თუ არა.

„ვმუშაობდი, ხმა რომ გავიგე. მეგონა, რაიმე აფეთქდა. ალბათ, 3-4-ჯერ გაისროლეს. თქვეს, რომ მანქანით წაიყვანესო დაიჭრა ეს ბიჭი. ფაქტია, გასროლის ხმა იყო“,-აღნიშნავს თვითმხილველი.

ინფორმაციისთვის, თბილისში, დოლიძის ქუჩაზე სროლა იყო. მომხდარის შედეგად დაჭრილია ერთი პირი. არსებული ინფორმაციით, მამაკაცი სამედიცინო დაწესებულებაში იმყოფება. შემთხვევა დაახლოებით, 3-4 საათის წინ მოხდა.

როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარზე გამოძიება დაიწყო სისხლის სამართლის კოდექსის 117-ე მუხლით, რაც სხეულის განზრახ მძიმე დაზიანებას გულისხმობს და 236-ე მუხლით, რაც ცეცხლსასროლი იარაღის უკანონო შეძენა-შენახვა ტარებას გულისხმობს.