რუბლების მიმღებ პარტიასა და დანარჩენ სამ პარტიას შორის განხეთქილება, მათ მთავარ მიზანს, ფულს უკავშირდება - გამოჩნდა, რომ მათთვის მთავარი ფული და ძალაუფლებაა, - ასე ეხმაურება აჭარის ავტონომიური რესპუბლიკის უმაღლესი საბჭოს წევრი „ქართული ოცნებიდან“, ცოტნე ანანიძე ოპოზიციური პოლიტიკური პარტიების საბიუჯეტო დაფინანსების შესახებ ინფორმაციას.

როგორც ანანიძე აღნიშნავს, განხეთქილება ოპოზიციის მთავარ მიზანს, ფულს უკავშირდება.

„რუბლების მიმღებ პარტიასა და დანარჩენ სამ პარტიას შორის განხეთქილება, მათ მთავარ მიზანს, ფულს უკავშირდება. არანაირი იდეური ერთობა - კიდევ ერთხელ გამოჩნდა, რომ მათთვის მთავარი ფული და ძალაუფლებაა", - წერს ცოტნე ანანიძე.

ინფორმაციისთვის, ცესკოს ინფორმაციით, არჩევნების შედეგების მიხედვით, პარტიების დაფინანსებას 6 პარტია მიიღებს: "ქართული ოცნება - დემოკრატიული საქართველო“, "ერთიანი ნაციონალური მოძრაობა“, "გახარია საქართველოსთვის“, "ლელო საქართველოსთვის“, "საქართველოს პატრიოტთა ალიანსი“, "ახალი პოლიტიკური ცენტრი - გირჩი“. უარი მხოლოდ „კოალიცია ცვლილებისთვის გვარამია მელია გირჩი დროა“ პარტიამ განაცხადა.