ახლახან ვესაუბრე საქართველოს პრეზიდენტს, სალომე ზურაბიშვილს. გამოვხატე ღრმა შეშფოთება საქართველოს დემოკრატიული უკუსვლის გამო, - ამის შესახებ ლიეტუვის პრეზიდენტი, გიტანას ნაუსედა სოციალურ პლატფორმა X-ზე წერს.

მისი თქმით, საქართველოს ბელარუსის სცენარის გამეორების რისკის წინაშეა.

„საქართველოს ბელარუსის სცენარის გამეორების რისკის წინაშეა. ლიეტუვა მტკიცედ უჭერს მხარს ევროპარლამენტის რეზოლუციას საქართველოში დემოკრატიული არჩევნების ჩატარების შესახებ. ლიეტუვა მტკიცედ დგას ქართველი ხალხის გვერდით ევროკავშირისკენ მიმავალ გზაზე. ევროკავშირში გაწევრიანების მოლაპარაკებების შეჩერება ეწინააღმდეგება მათ ნებას და რუსეთის წისქვილზე ასხამს წყალს“, - წერს ლიეტუვის პრეზიდენტი.