,,გორმედის” სამედიცინო ცენტრი - ISO 9001 - სერტიფიკატის მფლობელია
„გორმედის“ სამედიცინო ცენტრმა საერთაშორისო ISO სერტიფიცირების ზედამხედველობის აუდიტის პროცესი წარმატებით გაიარა.
ამის შესახებ ინფორმაციას „გორმედის“ სამედიცინო ცენტრი ავრცელებს.
მათი ცნობით, ISO 9001-2015 სტანდარტის შესაბამისი სერტიფიკატი ჯერ კიდევ გასულ წელს მიიღო, თუმცა მას შემდეგ სამედიცინო ცენტრი მუდმივად გადის ზედამხედველობის აუდიტის პროცესს და სერტიფიკატს ინარჩუნებს.
„ISO 9001-2015 საერთაშორისოდ აღიარებული ხარისხის მართვის სისტემის უნივერსალური სტანდარტია, რომელიც ორიენტირებულია მომხმარებლის კმაყოფილებასა და მომსახურების ხარისხის მუდმივ გაუმჯობესებაზე.
,,გორმედის” სამედიცინო ცენტრისთვის მინიჭებული საერთაშორისო სერტიფიკატი ადასტურებს სამედიცინო დაწესებულებისა და მედპერსონალის მომსახურების უმაღლეს ხარისხს, რაც უზრუნველყოფს პაციენტებისთვის უსაფრთხო, ეფექტურ და მაღალი ხარისხის სამედიცინო მომსახურებას“,- ნათქვამია ინფორმაციაში.
