სალომე ზურაბიშვილი - ლოზუნგი არ არის, რომ ახალი არჩევნები უნდა დაინიშნოს, ეს არის რეალური მოთხოვნა - პარტიები უნდა იყვნენ მზად და ახალი ძალებიც, რომლებიც პროტესტის დროს გამოიკვეთა - თქვენი ჯერია და მოემზადეთ
პარტიები უნდა იყვნენ მზად, ახალი ძალებიც, რომლებიც გამოიკვეთა ამ პროტესტის დროს, უნდა იყვნენ მზად, ვინც აპირებს, რომ ხვალინდელი ქვეყნის პოლიტიკაში იყოს, - ამის შესახებ საქართველოს პრეზიდენტმა სალომე ზურაბიშვილმა დღევანდელ ბრიფინგზე განაცხადა.
ზურაბიშვილის თქმით, ახალი არჩევნების მოთხოვნა არა ლოზუნგი და რიტორიკული განცხადება, არამედ რეალური მოთხოვნაა.
“არჩევნებისთვის პირობების შექმნას და დეტალურად, დოკუმენტურად ამის დადებაზე ვიმუშავებ მე ყველასთან ერთად, ვინც ამ საქმეში იყო და არის ჩართული იმისთვის, რომ ძალიან მალე, რამდენიმე დღეში დავდოთ დოკუმენტი და იყოს ეს არჩევნების მოთხოვნასთან ერთად.
ეს არ არის ლოზუნგი, რომ ახალი არჩევნები უნდა დაინიშნოს, ეს არ არის რიტორიკული განცხადება, ეს არის რეალური მოთხოვნა და ამიტომ უნდა იყოს რეალურად დაფუძნებული თავის პირობებზე.
არჩევნები ჩატარდება - სხვა გზა არ არის და ეს არის ყველა შემთხვევაში, ყველა ასეთი კრიზისის დროს ერთადერთი გამოსავალი, მაგრამ ჩვენ მზად უნდა ვიყოთ ამ არჩევნებისთვის და არა მხოლოდ იმით, რომ დავდოთ ასეთი დეტალური დოკუმენტი - პარტიები უნდა იყვნენ მზად, ახალი ძალები, რომლებიც გამოიკვეთა ამ პროტესტის დროს, ისინიც უნდა იყვნენ მზად, ვინც აპირებს, რომ ხვალინდელი ქვეყნის პოლიტიკაში იყოს - თქვენი ჯერია და მოემზადეთ, ამიტომ, რომ ეს ძალიან მალე მოვა და ამაში მეც დაგეხმარებით”, - განაცხადა სალომედ ზურაბიშვილმა.
