ალბათ, ის შეუერთდება იმ რადიკალურ დაჯგუფებას, რომლის წარმომადგენელიც ამ ხნის განმავლობაში იყო, - ამის შესახებ თბილისის მერმა და „ქართული ოცნების” გენერალურმა მდივანმა, კახა კალაძემ მეხუთე პრეზიდენტ სალომე ზურაბიშვილთან დაკავშირებით განაცხადა.

„ალბათ, ის შეუერთდება იმ რადიკალურ დაჯგუფებას, რომლის წარმომადგენელიც ამ ხნის განმავლობაში იყო. თუ რა პოზიციაზე, როგორ, რომელ კონკრეტულ პოლიტიკურ პარტიას შეუერთდება, ამაზე წინასწარ რაიმეს თქმა გამიჭირდება, ეს ალბათ, მას უნდა ჰკითხოთ თვითონ, თუ როგორ და რა ფორმით გააგრძელებს ან თუ გააგრძელებს საერთოდ პოლიტიკაში მოღვაწეობას“, - განაცხადა კალაძემ.

ამასთან, სალომე ზურაბიშვილის განცხადებაზე, რომ „ორბელიანების სასახლე ორბელიანებს უნდა დაუბრუნდეთ“, კახა კალაძემ აღნიშნა, რომ პრეზიდენტის რეზიდენციაში ამიერიდან საქმიანობას მიხეილ ყაველაშვილი გააგრძელებს.

„რაც შეეხება პრეზიდენტის სასახლეს, მიხეილ ყაველაშვილი გააგრძელებს მუშაობას, როგორც არჩეული პრეზიდენტი. აღნიშნული განცხადება არ მომისმენია და გამიჭირდება შინაარსის გამოტანა, რაზე იყო საუბარი. ალბათ, სჯობს თავად

ქალბატონს ჰკითხოთ, რას გულისხმობდა“, - განაცხადა კალაძემ.