საზღვაო დრონმა Magura V5-მა, რომელიც აღჭურვილი იყო სარაკეტო იარაღით, ორი Mi-8 ტიპის ვერტმფრენის განადგურება მოახერხა, - ინფორმაციას უკრაინული მედია თავდაცვის სამინისტროს დაზვერვის მთავარ სამმართველოზე დაყრდნობით ავრცელებს.

„განახლებული მონაცემებით, შავ ზღვაში, დროებით ოკუპირებულ ყირიმის მახლობლად, დაზვერვის მთავარი სამმართველოს წარმატებული ოპერაციის შედეგად, 2024 წლის 31 დეკემბერს „ჯგუფი 13-ის“ სპეცრაზმელებმა, რაკეტებით აღჭურვილი საზღვაო დრონით, Magura V5-ით, რუსული Mi-8 ტიპის ორი ვერტმფრენი გაანადგურა“, - აცხადებენ დაზვერვის მთავარ სამმართველოში.

ამასთან, წინასწარი ინფორმაციით, ლიკვიდირებული არიან აღნიშნული ვერტმფრენების ეკიპაჟებიც.