პარლამენტის წინ საპროტესტო აქცია დაიწყო. ამ დროისთვის რუსთაველის გამზირზე საავტომობილო გზა გადაკეტილია.

დღევანდელ აქციას თბილისის სხვადასხვა ტაძრიდან საშობაო მსვლელობის მონაწილეები შემოუერთდებიან, რომლებიც უკვე რუსთაველის გამზირისკენ მოემართებიან.

პროტესტის მე-40 დღეს აქციის მონაწილეები ქაშუეთის ტაძართან ღამის 12:00 საათზე შობის შეხვედრას ერთად აპირებენ.

დემონსტრანტების მთავარი მოთხოვნა კი ისევ უცვლელია - დაინიშნოს ახალი არჩევნები და გათავისუფლდნენ აქციების პერიოდში დაკავებული პირები.