ბათუმში, საკონსტიტუციო სასამართლოსთან საპროტესტო აქცია მიმდინარეობს. აქციის მონაწილეების განცხადებით, საკონსტიტუციო სასამართლოსთან 41-ე დღეა იმყოფებიან და პროტესტის შეწყვეტას არ აპირებენ.

აქციის მონაწილეები ხელისუფლებას მიმართავენ, ხელახლა დაინიშნოს საპარლამენტო არჩევნები.

„რუსებმა წაგვართვეს ყველაზე ძვირფასი, ეკლესიები, გადაგვიღებეს ეკლესიები და წაგვართვეს ენა. ამიტომ ქუდზე კაცი უნდა გამოვიდეთ და ქვეყანა დავიცვათ. ხელისუფლებაში რუსული რეჟიმია, რომელიც ძალადობს აქციის მონაწილეებზე და ევროპულ გზას გადაუხვია”,- აცხადებენ შეკრებილები.