გრენლანდიის პრემიერ-მინისტრი დანიის მეფეს შეხვდება
გრენლანდიის პრემიერ-მინისტრი დანიის მეფეს შეხვდება, - ამის შესახებ ინფორმაციას სააგენტო Reuters-ი ავრცელებს.
დანიის ავტონომიური ტერიტორიის, გრენლანდიის პრემიერ-მინისტრი, მუტე ეგედე დანიის მეფეს, ფრედერიკ X-ს დღეს კოპენჰაგენში შეხვდება.
გასულ თვეში, გრენლანდიის პრემიერ-მინისტრმა გრენლანდიაზე კონტროლის შესახებ აშშ-ის არჩეული პრეზიდენტის, დონალდ ტრამპის კომენტარზე საპასუხოდ განაცხადა, რომ „გრენლანდია არ იყიდება“.
შეგახსენებთ, აშშ-ის არჩეულმა პრეზიდენტმა, დონალდ ტრამპმა გუშინ მედიასთან საუბარში კითხვაზე, გამორიცხავს თუ არა ის სამხედრო ან ეკონომიკური ძალის გამოყენებას პანამის არხსა და გრენლანდიაზე კონტროლის მოსაპოვებლად, უპასუხა: „არა“.
„არა. დარწმუნებით ვერ გეტყვით, ამ ორიდან რომელს, მაგრამ ამის თქმა შემიძლია. ჩვენ გვჭირდება ისინი ეკონომიკური უსაფრთხოებისთვის“, - განაცხადა ტრამპმა.
v-if="article.gallery" v-html="article.gallery"
