აჭარის მთავრობის სახლთან საპროტესტო აქცია განახლდა. ისმის შეძახილები: “არა რუსულ რეჟიმს".

აქციის მონაწილეები აცხადებენ, რომ ხელისუფლების მოლოდინი არ გამართლდა და მოქალაქეები პროტესტს ევროპული მომავლისთვის აგრძელებენ.

“42-ე დღეა აქ ვიმყოფებით, ექიმები ხალხის გვერდით ვართ, რადგან ჩვენთვის მნიშვნელოვანია ქვეყნის ევროპული მომავალი, რომ დროულად გაათავისუფლონ რეჟიმის პატიმრები და დროულად დაინიშნოს ხელახალი სამართლიანი არჩევნები, შეცვლილი ცესკოს ადმინისტრაციით. მიუხედავად არალეგიტიმური მთავრობის მოლოდინისა, რომ დავიღლებოდით და დავიშლებოდით, ყველა პარტიის აქტივისტების გაერთიანება მოხდა და ჩამოყალიბდა ერთი დიდი პარტია, რასაც ჰქვია ქართველი ხალხი. ჩვენ ვიბრძოლებთ ბოლომდე, სანამ საქართველო არ დაუბრუნდება იმ გზას, რასაც ევროპული მომავალი ჰქვია", - აცხადებს აქციის ერთ-ერთი მონაწილე მზია ქედელიძე.