კრემლს დონალდ ტრამპის გუნდის მხრიდან ვლადიმერ პუტინთან კონტაქტის შესახებ თხოვნა არ მიუღია, - ამის შესახებ კრემლის პრესსპიკერმა, დიმიტრი პესკოვმა განაცხადა.
„არა, არავითარი თხოვნა არ ყოფილა. გასაგები მიზეზების გამო, მიზანშეწონილი იქნება, თუ ტრამპის მიერ თანამდებობის დაკავებას დაველოდებით“, - განაცხადა დიმიტრი პესკოვმა.
მისი თქმით, რუსეთის პრეზიდენტს, ვლადიმერ პუტინს დიალოგისთვის მზადყოფნა არაერთხელ გამოუხატავს.
„თუკი თანამდებობის დაკავების შემდეგ უმაღლეს დონეზე კონტაქტების განახლების შესახებ ტრამპის პოლიტიკური ნება შენარჩუნდება, მაშინ, რა თქმა უნდა, პრეზიდენტი პუტინი ამას მხოლოდ მიესალმება“, - აღნიშნა კრემლის პრესსპიკერმა.
