სამხრეთ კორეის ეროვნული სადაზვერვო სამსახური ადასტურებს უკრაინის მიერ გავრცელებულ ინფორმაციას, რომ რუსეთის კურსკის ოლქში ორი ჩრდილოეთ კორეელი ჯარისკაცი დაატყვევეს და დაკითხეს. ინფორმაციას გამოცემა Barron's -ი ავრცელებს.

„დადასტურდა, რომ უკრაინელმა სამხედროებმა 9 იანვარს, კურსკის ბრძოლის ველზე, ორი ჩრდილოეთ კორეელი ჯარისკაცი დაატყვევეს“, - აღნიშნულია სამხრეთ კორეის ეროვნული სადაზვერვო სამსახურის განცხადებაში.

უწყების ინფორმაციით, ერთ-ერთმა დატყვევებულმა ჯარისკაცმა დაკითხვისას განაცხადა, რომ თავდაპირველად ეგონა, რუსეთში წვრთნებისთვის გზავნიდნენ.

ჯარისკაცის თქმით, ჩრდილოეთ კორეულმა ძალებმა ბრძოლის დროს მნიშვნელოვანი დანაკარგები განიცადეს.

სეულის სადაზვერვო სააგენტოს ცნობით, ერთ-ერთი ჯარისკაცის განცხადებით, დატყვევებამდე, 4-5 დღის განმავლობაში საკვებისა და წყლის გარეშე იყო.

შეგახსენებთ, უკრაინის დაზვერვის სამსახურმა გაავრცელა ინფორმაცია, რომ უკრაინელმა სამხედროებმა კურსკის ოლქში ორი ჩრდილოეთ კორეელი ჯარისკაცი დაატყვევეს.